“Sajak Sunda” adalah salah satu jenis karya sastra Sunda yang berbentuk puisi hasil pemikiran penulisnya. Ada banyak penyair Sunda yang menulis sajak, seperti Ajip Rosidi, Yus Rusyana, Apip Mustofa, Acep Zamzam Noor, Godi Suwarna, M.A Salmun, dan Wahyu Wibisana.

Dalam buku “Sajak Sunda” yang ditulis oleh Ajip Rosidi, disebutkan bahwa orang pertama yang menulis sajak Sunda adalah Kis Ws, yang memiliki nama lengkap Kiswa Wiriasasmita. Kis Ws mulai menulis sajak Sunda sekitar tahun 1946-1950. Setelah itu, banyak penyair Sunda lainnya bermunculan dan menghasilkan sajak-sajak Sunda yang diterbitkan di surat kabar.

Berikut ini adalah contoh-contoh sajak Sunda, yang diambil dari berbagai sumber:

Tanah Sunda - Ajip Rosidi#

Héjo pagunungan

Paul lautan

Héjo

Paul

Langit na haté kuring

Masing di mana kuring nangtung

Masing ka mana kuring leumpang

Tanah lémbok tempat bumetah

Angin nyéot nyiuman tarang

Masing di mana anjeun nunjuk

Masing iraha anjeun cumeluk

Kuring mo mungpang kuring rék datang

Neueulkeun tarang neueulkeun jantung

Kuring tungtung teuteupan

Kuring tungtung

Teuteupan

Tungtung bedil

Ngincer dada

Kuring geus nyaksian getih ngabayabah

Getih maranéhanana nu mikacinta anjeun

Kuring geus nyaksian panon carelong tanggah

Jasad nu ruksak ngalungsar na dada anjeun

Héjo pagunungan paul lautan

Taya kamarasan ngan katugenahan

Héjo pagunungan paul lautan

Taya katengtreman ngan ancaman

Ngan lantaran kuring cinta

Ngan lantaran kuring tresna

Langit hibar lembur musnah

Jalan lecek ngabalungbung ka kota

Kembang beureum buah biru

Kembang wéra kembang jayanti

Tanah tempat kuring sideku

Ngurugan mun kuring tepi ka pati

Jatiwangi, 1956

Sarebu Bulan - Yus Rusyana#

Dina hiji peuting urang jalan-jalan duaan

Katilu bulan

Dina hiji peuting urang jalan-jalan duaan

Sarebu bulan

Dina hiji peuting urang jalan-jalan nyorangan

Kadua bulan

Dina hiji peuting taya saurang nu jalan-jalan Ngan kari bulan

Lagu Paturay - Surachman R.M.#

Sora nyawa kari sakesetan napas biola

Ngeleperkeun lagu lumayung hideung

Tengtrem temen anjeun nyangsaya, enung

Luang ka tukang ngulahek nembongan lila

Sakesetan duh sakesetan ti dinya sirna

Mutiara kuring tina watangna

Napas biola nu ngagerihan

Nyekleukna jero tangkeupan.

Jante Arkidam - Ajip Rosidi#

Panonna beureum siki saga

Leungeunna seukeut lalancip gobang

niplasan badan palapah gedang

Arkidam, Jante Arkidam

Di pangaduan di kalangan ronggeng

Ngan hiji jagoan

Arkidam, Jante Arkidam

Ti peuting angkeub ku mendung

Jante raja alam petang

Matek aji panarawangan

Manjing ka liang sasoroting sinar

Jariji beusi pakgade milang ku Ramona

Ngagisik hayang sidik

Jante mencrong mantri pulisi:

“Ki Mantri, tindakan andika lelewa bikang

Ngabokong jalma keur tibra”

Arkidam ditalikung leungeun dua

Sorot matana ngentab seuneuan

Samemeh beak poe kahiji

Jante minggat nitih cahya

Kaluar ti panjara

Samemeh cunduk peuting kahiji

Mantri pulisi nyungseb di dasar walungan

Teu nyawaan.

Meri karya Apip Mustopa#

Di alam dunya

Asana moal aya

Nu bisa hirup sauyunan

Cara meri saabrulan

Mun nu ngangon nitah ka katuhu

Bring ngatuhu

Mun nu ngangon nitah ka kenca

Bring ngenca

Bari disarada:

Wek wek wekd.

Hujan Poyan - Apip Mustopa#

Deuleu, panonpoe huhujanan

Boa pohaci marandi

Ieung, panonpoe teh cirambay

Boa aya nu digupay

Sssttt, geuing ieu hujan poyan

Boa karuhun keur moyan.

Kamerdikaan - Apip Mustopa#

Kamerdikaan teh, jang

Jukut ngemploh sisi jalan

Nu teu weleh katincakan

Ku nu resep mabal jalan

Kamerdikaan teh, jang

Jukut ngemploh di sampalan

Dihakanan ingon aburan

Atawa diararitan

Tapi teu weleh parucukan

Kamedikaan teh, jang

Waruga aki-aki nu rangkebong

Dada ngagambang panon celong

Teu ari mikiran hutang.

Bongan Kitu - Juniarso Ridwan#

Bongan kitu disebutna, puguh mega

Dipapay di awang-awang: cek aing angin

Bongan kitu karasana, nyerina raheut

Tatamba ka saban tabib: cek aing ngimpi

Bongan kitu digambarna, geulis kabina-bina

Ditepungan unggal wayah: cek aing werejit

Bongan kitu pandena, nyarita sorangan

Ditataan di rs jiwa: cek aing eling

Bongan kitu ayana, beda jeung nu lian

Diguliksek dina kamus: cek aing ibadah

Bongan kitu itunganana: Gusti.

Lagu Hirup - Eddy D. Iskandar#

Unggal poe unggal lengkah

Nataan tanggal dina kalender

Angger aya nu diarep-arep

Ari umur melesat henteu kajeueung

Dina beja dina carita

Teu weleh aya nu miheulaan

Warna-warni kajadian. Teu kapireng

Da puguh katalimbeng rusiah

Dina sakeclak cimata. Aya kasedih

Nu teu kedal. Dina kongkolak

Kahirupan. Aya nu miang

Teu mulang deui.

Gupay Lembur - Nano S.#

Gupay-gupay panineungan kiwari nembongan deui

Basa rek ningalkeun lembur, rek miang tolabul ilmi

Kacipta Ema jeung Bapa, gugay jajap pangharepan

Di bandung muga sing jucung, gancang mulang ka sarakan

Gupay-gupay panineungan kiwari nembongan deui

Basa beus ninggalkeun stanplat, hae mah puguh tibelat

Kacipta cisoca Ema, nu rambisak kingkin sedih

Pileuleuyan dayeuh Garut, kapaksa urang papisah

Munggaran hirup di Bandung

Beungeut lembur kapigandrung

Disusukan marak lauk

Balap ngojay ulin leutak

Luhur pasir peperangan

Hanaang ngala duwegan

Lalakon manjang di Bandung

Lembur ngan ukur galindeng

Duriat ngan dina lebaran

Betah ditempat ngumbara

Pageuh jeung adeg sawawa

Gupay-gupay panineungan kiwari nembongan deui

Katingtrim hirup dilembur ngahariring ngajak mulang

Kacipta Ema jeung Bapa, nelengnengkung nimbang incu

Ngan hanjakal sagalana, nu di jugjug geus teu aya.

Dosa - Apip Mustopa#

Datangna teu karasa

Kawas impian janari

Jiga nimat jiga sawarga

Tapi lamun pajar geur peuyar

Karasa diri leuwih rucah manan meri

Inget ka basisir tempat balabuh

Di mana layar geus rapuh

Dosa

Leuwih amis manan anggur

Mun seug nembag dada nu diabur

Tapi di mana tumiba lara

Kaduhung poe make ditundung

Duh gusti

Najan ka mana nya indit

Dosa teu weleh ngukuntit.

Paliwat Dina Kareta - Kis. Ws.#

Kareta Jakarta-Surabaya

Jeung Surabaya-Bandung

Paliwat tengahing jalan

Duanana tonggoy nyemprung

Panumpang paboro-boro ngaralong

Papaliwat papada numpukan kilat

Semet silih reret sahorelat

Ieu diri bet asa reg cicing

Nu maju tingbelesur

Ukur batur

Manusa Sunda Neangan Jalan - Ajip Rosidi#

Manusa Sunda neangan jalan

Hirup anyar anu endah

Hirup endah nu can karampa

Tapi pasti bakal dating

Tata lawas taya tempat keur anjenna

Najan alus teu kapake

Manusa Sunda ngalelebah poe engke

Adat lawas geus diruang anu anyar can kateang

Satengahing jalan

Sagala dirampa

Unggal barang diajaran

Dirasa ku rasa

Dipake ku hate

Henteu pageuh henteu udar

Mun baheula:

Aya tatangga hilang - riab pada neang

Aya orok di jarian - jadi catur eusi lembur

Aya parawan mendeyang - unggal mojang kaisinan

Bungah deungeun bungah kuring

Sedih kuring dibantuan

Kiwari:

Nu lian tilar - teu jadi sual

Bayi diruang - teu aneh

Can rimbitan geus orokan - teu kudu era

Sewang-sewangan

Mantuan jadi jasa nu wajib dibayar.

Pamayang - Rachmat M. Sas. Karana#

Bulan imut

Ngangkleung di langit

Budak ulin di buruan

Angin darat

Muru ka laut

Pamayang nyolendang korang

Parahu leutik

Laju nyiriwik

Nganteur usaha di sagara

Warna perak

’na beungeut ombak

Beuteung lauk tingborelak

Nu jadi harepan

Pikeun kahirupan

Laut lega paparin Pangeran.

Pangbalikan - Wahyu Wibisana#

Iuh, iuh gunung kuring

Angin ulin dina embun-embunan

Sawaktu-waktu kuring kudu nepungan

Dumeh hirup halabhab cinta

Di maranehna nya ayana

Aya sababna kuring tibelat

Aya sababna kuring pegat

Tapi nu ahir lain kaabadian

Kakasih dina hate ngawih deui

Iuh,iuh gunung kuring

Nyata, nyata tanda-tanda

Ngabalungbung jalan hirup

Nepi ka nyawa rek asup

Ka maranehna kuring rek balik

Ka maranehna kuring rek pamit.

Silih Tulungan#

Nyiruan dina pancuran

Titeuleum meh bae paeh

Titiran nenjo yiruan

Kanyaah mapaes hate

Geuwat metik dangdaunan

Diragragkeun kana cai

Ngarayap eta yiruan

Teu tulus nemahan pati

Titiran ku paninggaran

Diintip-intip dipanah

Nyiruan mulang tarima

Nyeureud bitis paninggaran

Paninggaran ngagurubug

Teu tulus manah Titiran

Geus lesot kabeh bangbaluh

Lantaran silih tulungan.

Pesta Demokrasi - Iwan Muhammad R#

Mun rek enya boga karep nu sarua, naha bet pada-pada

Mun rek enya mawa batin rahayat, naha bet ngamurah-mareh darajat

Sagala diumbar carita : seja ngabebaskeun waragad sakola,

Muka lapangan kerja, atawa ngangkat sora nu werit

Tapi naha bet parasea marebutkeun paisan tutung

Banner, baligho,spanduk jeung poster-poster ngarumekan kota

Jalan-jalan leuseuh teu beda jeung runtah nu cenah urang kokolakeun

Gang-gang pararoek heurin tetenjoan, tembok-tembokna jadi majalah dinding

Naha bet ngolok-ngolok duit, geuning sakabeh eta teh teu beunang

Dipake mungkus peda-peda acan, bororaah laku dijual atawa dipake

Nyimbutan barudak nu tinggolepak di emper toko jeung lampu-lampu stopan

Kahujanan, kapanasan pamustunganana digalaksak ku angin peuting

Gudawang lebah tarang, gorowong genggerong

Nu make kopeah, nu make tiung, nu make kabaya, nu make baju supermen

Nu dipoto jeung monyet, nu jeung caleg artisna, nu api-api jadi seniman

Nu api-api jadi kiyai, nu api-apai jadi olahragawan

Kabeh teu bisa ngalawan ninggang datang paceklik ka rahayat

Nu cenah rek diwakilan ku maranehanana.

Na ngarudag naon atuh, aya pesta demokrasi teh siga nu moro bagong

Marawa anjing bari dibarajuan ku rupa-rupa gambar

Kabeh pada boga cita-cita, mawa visi jeung misi sewang-sewangan

Hayang meunangkeun naon nu diudag

Kawas barudak di lembur coko langlayangan, lumpat titatarajong bari panon tanggah

Teu ditolih nu dihandap, teu ditempo nu tincak

Teu paduli kebon batur ruksak, teu paduli rek cohcor katincak

“Nu penting aing meunangkeun nu diudag” omong budak

“Kadarieud Kadarieud Yeu ubar hanaang. Pek contreng lebah irungan,

Atawa dadana, atawa dina ngaranna atawa dina gambarnad

Pek gunakeun hak pilihna tong salah, milih luyu jeung hati nuranid”

Gorowok partai nu teu sacara langsung nitah milih manehna.

Aya deui nu nyebutkeun rek bebela ka patani, ngaronjatkeun hasil tatanenna.

Aya deui anu ngajangjikeun numpes kamiskinan jeung pengangguran

Naha teu era disalindiran ku iklan rokoe

Majar beuki loba pilihen, beuki bingung milihna

Atawa nu omat-omatan ulah katipu ku cau badag bisi dijerona cangkang hungkuld

Mun rek enya boga karep nu sarua, naha bet pada-pada

Mun rek enya mawa batin rahayat, naha teu sauyunan bae dina nanjeurkeun cita-cita

Ngawangun nagri nu waluya.

Kamanusiaan#

Kamanusiaan pribadi

Turunan kamanusaan

Moal geser jeung nu sejen

Gumelar ti babaheula

Manca warna geus lila

Tumpur taun ganti taun

Pereum bulan ganti bulan

Ganti bulan ganti landi

Bulan tanggal ganti ngaran

Lalanden ganti lalanden

Eusina mah sabaheula

Nya manusa nya manusa

Alam tujuhna sapancuh

Alam salapan sajangkar